لماذا القهوة؟ البن الخولاني وسحره المتناغم مع الروح والجسد
المزاج والاستكانة يعني كوب ولا بيالة، قهوة ولا شاهي والفرق بين الاثنين متوازي! بس الموضوع مو هنا! الموضوع كيف القهوة لهالدرجة تخلينا نحبها؟ فلان راسه مصدع دواه مو في الأدوية دواه في كوب قهوته وفلان يومه متعطل وكل شغله متوقف على قهوته والبنات في الجمعات قهوتهم هي الأساس! وفلان قاعد فاضي قال خلني اشرب قهوة وهذاك ماسك خط والكوب اكيد بجنبه، تختلف الاوقات والاماكن ويختلف كل شيء باستثناء القهوة.
المُّرة الحلوة والمعشوقة السمراء لكل الي يفضلون شربها تختلف مصادرها وتختلف أيضاً طرق صنعها بحليب أو سادة بدون سكر أو سكر زيادة (رجاءاً لا تجيبون طاري السبانش نشخصن ترا) المهم إنها تصدرت في القائمة وتربعت عالقلوب.
أكيد مصادر البن معروفة اثيوبي كولمبي ولا من اندونيسيا المحبوبة وتعدد المصادر بكل سهولة ولكن..
فيه نوع نادر وطعمه أسطورة.. وكل رشفة منه أعجوبة!
من أعالي جبال جازان الحبيبة ومن لب أراضيها الحنونة ومن مزارع خولان الفنانة حصدنا الخير والخيرات وحمّصنا بحب كل الحبات وصنعنا منها سيدة القهوات.. اينعم ! قهوة سعودية من البن الخولاني العريق والأصيل.
من وعينا عالدنيا وحنا من أكبر جد لنا لأصغر أحفادنا ما نستغني عن قهوتنا! القهوة السعودية الأصيلة من خير أرضنا وبطعم تراثنا و أمجادنا.
مع كل هزة فنجال عز يدوم لأجيال ومع كل دلة تجي الأفراح منهلة،مهما تعددت الأنواع وكثرت تبقى القهوة السعودية هي الأصل والعشق وحاضرة في كل تفاصيل حياتنا ومن بين خيارات لا تعد ولا تحصى من "امداير" اخترنا لكم النوع الأفخم والأرقى.. بن خولاني لألذ قهوة سعودية.